فن

كريم عبد العزيز: أمى كانت بتضربنى بالشبشب وتعلمت بهذه الطريقة

قال النجم كريم عبد العزيز: “الشبشب ربى أجيال مش ربانى أنا لوحدى، ووالدتى كانت دايما تاخدنى وهى بتشترى الشباشب، وكانت بتشتريه على حسب الوزن مش اللون أو الشكل عشان يعرف يعلم علينا كويس”.

وأضاف كريم عبد العزيز، خلال برنامج “السيرة” للإعلامية وفاء الكيلانى، المذاع على قناة DMC: “فى موقف اضربت فيه كنت واقف في البكلونة وشوفت كلب غلبان ماشى ولونه أسود فنزلت أخدته وطلعت جرى بيه على البيت، ولما والدتى سألتنى جيبته منين قلتلها ده كلب (جيرمان) أخدته من واحد صاحبى والده في الشرطة”.

وتابع كريم عبد العزيز: “كل ما الكلب يكبر ديله بيلف، ووالدتى تقولى مفيش يابنى كلب (جيرمان) ديله بيلف لغاية لما عضنى وكسر التليفزيونات، ومشيناه بقى لأن كمان والدتى كانت بتخاف من الكلاب، وبعدين الكلب لو بقى صاحبى هي هاتضربنى إزاى”

زر الذهاب إلى الأعلى