حكاية “بلوك” انستجرام.. شيماء سيف وهنا الزاهد هل تجدد الخلاف

أثارت الفنانة شيماء سيف حالة من الجدل الواسع حول قصة صلحها مع الفنانة هنا الزاهد بعد خلاف دام 8 سنوات ورغم التصالح الا أن حتى الآن لم يتم إعادة بلوك إنستجرام بينهما.

وقالت شيماء سيف خلال لقائها مع الفنانة إسعاد يونس في برنامج “صاحبة السعادة”: “أنا شخصية مش بتحب التصادم، وكنت واقفة مع الفنان هشام ماجد، وحسن الرداد، والمنتج أحمد السبكي، في فرح ريم سامي، ولما شوفتها جاية قولت هروح على ترابيزة تانية، عشان تاخد فرصة تسلم على أصحابنا براحتها من غير إحراج، بس لما شافتني هي اللي بدأت وقالتلي تعالي يا شيخة كفاية بقي وسلمنا على بعض وهزرنا كتير واتصورنا”.

وأضافت شيماء سيف: “الكارثة بقى أننا مش عارفين نرجع بعض على انستجرام، لأنه طلع لو عملتي لحد بلوك وهو عمل بلوك، وعدى عليكم ما يقرب من 3 سنين، فإنستجرام مابيرجعكوش تاني عند بعض، فالناس قالوا بعد ما اتصالحوا رجعوا عملوا لبعض بلوك تاني، وأنا وهي دلوقتي بنضحك على واتس اب”.