مدحت شلبي يهاجم حسين لبيب: لا تسيطر على اللاعبين
فتح الإعلامي مدحت شلبي، النار على حسين لبيب، رئيس مجلس إدارة نادي الزمالك، وذلك بعد تهديد مجلس إدارة القلعة البيضاء من الانسحاب من نهائي السوبر المصري.
وقال مدحت شلبي، في تصريحات تلفزيونية عبر فضائية «إم بي سي مصر»: «عندي رسائل عايز أقولها لحسين لبيب، حضرتك من أسبوع قولت احنا أكبر قلعة رياضية في مصر.. مش مفروض أكبر قلعة رياضية في مصر كان أولى بيها تاخد قرارين بعد واقعة دونجا ومصطفى شلبي، أولًا تتقدم ببيان اعتذار رسمي ينزل على جميع المواقع، وبعدها تأمر برحيل هذا الثنائي، إلى القاهرة وتوقع غرامة مالية عليهم، بدل التويتة اللي نزلت، يا استاذ حسين لبيب يا أكبر قلعة رياضية في مصر».
وأضاف: «هل ينفع تقول ده لو محصلش هنسحب! هل لغة الانسحاب أصبحت هي اللغة الرسمية لمجلس إدارة نادي الزمالك، حضرتك انسحبت، من قبل أمام الأهلي في الدوري، انت كنت كابتن كبير في كرة اليد، هل كنتوا في كرة اليد متعوديين على الانسحاب كل شوية؟ رئيس نادي الزمالك أو الأهلي مفروض أنه رجل دولة».
وأكمل: «الأمر الثالث، مصطفى شلبي، نزل (ستوري) بعد الأزمة بصورة (الكلابشات)، هل إنت حضرتك يا كابتن حسين، ملكش أي سيطرة على اللاعبين اللي بيكتبوا على السوشيال ميديا؟ هل إنت حاسبت لعيبتك؟ هل إنت مسيطر عليهم؟ القائد في تلك المواقف الصعبة يقول (أو عى حد بيفتح بوقه، محدش يكتب أي حاجة على مواقع التواصل الاجتماعي)»
وأتم: «مصطفى شلبي، بعد استبداله في مباراة بيراميدز، اعترض بشكل غير لائق، مفيش أي انضباط».
